Pagpayag ng Ma’na ng Muhammadun Rasulullah

1st Khutbah

ان الحمد لله، نحمده، و نستعينه، و نستغفره، و نتوب اليه، و نعوذ بالله من شرور انفسنا، و من سيئات أعملنا، من يهده الله فلا مضل له، و من يضل فلا هادي له. نشهد أن لا اله الا الله وحده لا شريك له، و نشهد أن محمدا عبده و رسوله صلى الله عليه وسلم، و على آله و أصحابه و من تبعهم بإحسان الى يوم الدين، و بعد.

يا ايها الناس، اتقوا الله سبحانه و تعالى حيث قال في كتابه المنزل :
Ya Ayyuhan-naas, ittaqullaha subhaanahu wa taala, haythu qala fee kitaabihi al-munajjal
“يا أيها الذين آمنوا اتقوا الله حق تقاته و لا تمتن الا و انتم مسلمون”
“Yaa ayyuhal-ladheena Amanoo ittaqullaha haqqa tuqaatihi wa laa tamutunna illaa wa antum Muslimoom”

و قال نبينا محمد صلى الله عليه و سلم : “اتق الله حيث ما كنت، و أتبع السيئة الحسنة تمحها و خالق النس بخلق حسن”
wa qaala nabiyyunaa Muhammadin sallallahu alaihi wa sallam “ittaqillaha haythu ma kunta, wa atbi-I as-sayyi-ata alhasanata tamhuhaa, wa khaaliqin-naasa bi-khuliqin hasan”

Kalumunan ko sang Agama Islam, dakwa na kasuwat aw kalipay, Alhamdulillah, iyan dawman kita kamu sining Masjid ng Allahu taala, yagakasambok, yaga-kita-kita aw yagapakagwas sang kanaton Tuhan, yang Allahu taala. Tigamon naton kamu na yaning allaw ng jumat, allaw na mulia, allaw na pangahulo ng kariko ng allaw sa sod ng simana, allaw na ibarakat ng Allahu taala. Sagaw, kabantugan sang Allahu taala, na yapa-sampay pa ng kanaton kamu mga umur sini na putika.

Makasuwat, aw makalipay na adi kita kamu, yaka-kita naton kamu yang kada isa, yaka-inupod naton kamu yang kanaton kalumunan, yang kanaton mga obay-obay, yang kanaton mga anak, sagaw, yaning sambok na hikma ng Jamaah sang Sambayang ng Jumaat, supaya magkasambok yang mga muslim, mapakanog yang paglulumuna.

Kalumunan sang Agama Islam, rahimakumullah.
Yani na allaw, allaw ng jumaat, allaw ng usyatan, allaw ng tuwada, allaw ng pagpatadum, allaw ng pagpakanog ng Iman, allaw ng pagpanontot ng Ilmu, allaw ng paglulumuna, allaw ng pagsinikawyay.

Tigamon naton kamu, na sa uriyan ng kanaton pagtontot ng Ma’na ng Laa Ilaaha Illallah yasunod sinyan yang sambok na pagtigam ng Ma’na ng Pagsaksi ng Muhammadun Rasulullah.
Bunna, di amatawag na muslim yang sambok na manusya apabila di yan sumaksi ng pagka-Rasul atawa sinugo ni Muhammad s.a.w, sagaw, wajib kanaton, yang pagtigam, pagtontot daw yang ma’na ng kanaton paglapal ng ikaduwa na Shaaadah, idto-idto yang Shaadatu Anna Muhammadan Rasulullah.

Magunawa ng paglapal ng Laa Ilaaha Illallah, yang paglapal uman ng Muhammadun Rasulullah awn uman ma’na, sagaw sini na khutbah, abriyan naton kamu yang kanaton kamu pangatayan, aw dagun naton kamu ng madjao supaya lumasak sang kanaton, dumduman aw pangatayan.

Kalumunan sang Agama Islam, Rahimakumullah!
Tigamon naton kamu, yang Allahu taala, yapada ng Kanan mga sinugo sining babawan ng dunia supaya magpayapat ng Kanan suguwan, aw mainang na pangahulo sang kanan kawman. Man-manan na na sinugo yang ipada ng Allahu Taala, magpuno sang kanaton Ama na si Adam alaihis salam taman da sang kanaton Pangahulo Nabi Muhammad sallallahu alaihi wa sallam.

Aw gayd, yang usip, bilang mga ummat ng Nabi Muhmmad saw, maunono naton mapanginbunnan na kita yamaratyaya kanan, na kita upod atawa isa sang mga ummat nan? Awn ba mga syarat? Mga tanda? Mga qualipikasyon? Supaya mapamatud-an na kita sambok sang mga ummat nan? Tama da ba gayd na lumapal kita ng Muhammadun Rasulullah? Sakto da ba inyan, para matarima yang kanaton pag-shahaadah atawa pagsaksi na yan sinugo ng Allah?

Tigamon naton kamu, na si Muhammad anak ni Abdullah sikon sang bangsa quraysh, yan yang mauri na Propeta na ipada ng Allahu taala, aw yan yang silyo ng kariko ng Propeta, yagapasabot gayd, na wa day propeta pa na masunod kanan. Sagaw sino man yang umangkun, na yan propeta atawa nabi, way pagduwa-duwa na yan Kaafir, aw way pamaratyaya.

Tigamon naton uman na yang Rasul sallallahu alaihi wa sallam, ipada ng Allahu taala supaya magpasampay ng suguwan, magpasampay ng mga inisagda, umindo sang kawtawan makapantag sang Agama, wa apadan supaya simbawn, kundi tuturo, aw panginluyan sikon sang Allahu taala.

Ilawng pa sagaw ng Allahu taala:
(( و ما أرسلناك إلا رحمة للعالمين ))
((wa maa arsalnaaka illaa rahmatan lil-a’lameen))

“Aw wa kaw Nami apadan (kay Muhammad) yasatabya panginluyan sang kariko ng baranyawa”

Yani na ayatan yagapasabot na yang kanaton Rasul Muhammad saw, ipada alam bilang loy sikon sang Allahu taala, supaya ilupas yang manusya sikon sang kadug-guman padog sang kapawan, sikon sang kajahil padog sang katigam, sikon sang kasapadan padog sang kadjawan. Alhamdulillah, yang Allahu taala yapatoron ng sambok ng manusya na di kaparisan ng sinuman, manusya na puno ng kadjawan, manusya na puno loy sang kanan ummat, manusya mapakumbaba, manusya mawyangun, manusya na pyagamulia ng kariko, yan si Muhammad yang kanaton kamu pangahulo, pangahulo ng Jinn aw pangahulo ng Manusya, pangahulo ng tidto na yagapangagad kanan.

Kalumunan sang Agama Islam, Rahimakumullah!
Tama ba na lumapal gayd kita ng Muhammadun Rasulullah? Tigamon naton kamu na madayg sikon pa sang tempo ng Nabi Muhammad yang yagalapal, yagasaksi na yan sinugo ng Allah taala aw gayd idto taman gayd sang kanilan dila, wa sang kanilan pangatayan. Sagaw inyan silan na mga otaw, yamaka-upod sang mga Munafiq. Mga otaw na yagapakita ng baliktad sang lasak ng kanilan pangatayan, yagapakita ng pagpangagad sang Rasulullah aw gayd yagaplano ng pagsapad kanan, yagaplano maunono matanak yang Rasulullah.
Kalumunan sang Agam Islam, rahimakumullah!
Adun tigamon naton, uno-uno yang mga butang na dapat naton kamu inangun supaya mapanginbunnan naton kamu yang kanaton paglapal ng Muhammadun Rasulullah. Supaya maupod kita kamu sang mga tidto na yagapangagad kanan, aw maupod sang mga yagakawy kanan.

Tigamun naton kamu na awn Tolo (3) na kondisyon na wajib sang pagpanginbunna ng pagsaksi ng Muhammadun Rasulullah, yani na mga kondisyon di mapakay itagak aw taripundan ng mga yamaratyaya, sabap di amasampurna yang ikaduwa na shahada amainka di amainang yani na mga kondisyon.

Muna-muna sang mga kondisyon yang
1. Al-Mahabbah (Yang Pag-Kawy).

Dayt katigaman ng kada sambok, na obligado sang kada isa yang pagkawy sang Rasulullah, pagkawy na way kinda nan, pagkawy na labi pa sang kanaton mayo mga giginawan, pagkawy na labi pa sang kanaton mga taganak aw mga anak, aw pagkawy labi pa sang layn pa kanan, aw gayd yani na pagkawy yamakasunod sang pagkawy naton sang Allahu taala.

Yang hadith ng Rasulullah yagalawng:
(( لا يؤمن أحدكم حتى اكون أحب إليه من ولده و واله و الناس أجمعين)) متفق عليه
Laa yu’minu ahadukum hattaa akoona ahabba ilayhi min waladihi wa waalidhi wa an-naasi ajmain

“Di masampurna yang pagpamaratyaya ng kada-isa kamayo yasatabya mas labi yang kawy nilan kanak, kaysa sang anak nan, taganak nan aw sang kariko ng manusya”

Aw gayd basi awn makapag-usip, nanga inyan? Na dapat unawn naton yang kanaton pagkawy sang Rasul Muhammad kaysa sang kanaton ginawa, anak, taganak aw sang kariko ng manusya? Yang tubag, sabap yan yang Rasul na isugo ng Allahu taala, yan yang Rasul na sabapan na yamalupas kita sang kadugguman padog sang kapawaan. Dumdumun naton kamu, kung wa yang kanaton Rasul, maunono kita kamu adun? Wayn kita kamu adun? Sagaw, dayt gayd na mauna yang luy naton kanan kaysa sang lain pa kanan.

Ikaduwa…
2. At-tasdeeq (Yang Pagpangibunna)

Uno man yang ipasampay ng kanaton kamu pangahulo, kariko sinyan dayt panginbunnan, pamaratyayan aw pangintuwan. Magunawa man na inyan na butang sikon sang mga Ghaib atawa tago na mga butang na ipadatong kanan, atawa ipatigam, ipakita kanan ng Allahu taala, dayt pamaratyayan. Aw kariko ng mga paglawngan na ilawng nan, aw gawbukan na iinang nan dayt pamaratyayan apabila kyapanginbunnan.
Ikatolo…
3. At-Taa’a ( Yang Pagpangagad)

Yani yang pagpangagad sang Rasul Muhammad saw, pagpangagad sang pagdapa ng mga isugo nan, aw pagpangagad sang paglikay sang mga inisagda nan.

Ilawng ng Allahu taala

(( و ما آتاكم الرسول فخذوه و ما نهاكم عنه فاتهوا و اتقوا الله، ان الله شديد العقاب…)) الحشر:٧
Wa maa aataakumur-Rasulu fakhudhu-hu wa maa nahaakum anhu fantahu wat-taqullah, innallaha shadeedul-iqaab – Alhashr:7

“Aw uno man yang i-atag (i-da) ng kamayo Rasul na kamanga mayo aw uno man yang isagda kamayo ng Rasul na tangku-I mayo, kalluki mayo yang Allah, Sabunna-bunna sang Allahu taala na mapasang sang kasiksan”

أقول قولي هذا و أستغفر الله لي و لكم و لسائر المسلمين من كل ذنب، فاستغفروه إنه هو الغفور الرحيم…
Aqooli qawlee haza wa astaghfirullah lee wa lakum wa lisaa-iril muslimeena min kulli dhanbin, fastaghfiroohu innahu huwal ghafurur-Raheem…

Khutbah 2

الحمد لله و الصلاة و السلام على رسول الله، أما بعد:
Alhamdulillahi was-salaatu was-salaamu a’la Rasulillah… Amma ba’du:

Sa uriyan ng kanaton pagtigam aw pag-dag mawnunu naton kamu mapanginbunnan yang Pagsaksi na Si Muhammad Sinugo aw Olipon ng Allahu taala, tigamon naton uman kamu na awn mga butang na makabatal sini na pagsaksi. Bunna, na sang uriyan ng kanaton pagpangagad kanan na Rasulullah, di naton kamu katigaman na yamabatal da kadi yang kanaton pagsaksi, sagawt dayt inyan na tigamon ng kada-isa uman kanaton.

Dungugun naton kamu ng madjao, aw ilasak naton kamu sang kanaton pangatayan aw dumduman yani na mga gugunawn supaya di mabatal, di matanak yang bisa ng kanaton kamu pagsaksi. Madayg sang manusya na yaga-angkun ng pagkamuslim yang awam, jahil aw wa papakatigam sini na butang, sagaw dakwa na butang yani na dapat gayd atagan ng pansin ng kada-sambok.

Una sang makabatal sini na pagsaksi idto-idto yang Kabunsi, Kadaman, Pag-Uyas-Uyas sang Rasulullah, sino man sang yaga-angkun ng pagkamuslim, mauri sinyan, Yaawn sang kanan giginawan yang kadaman sang Rasul, atawa kabunsi sabap sang uno-uno na mga sabapan magunawa ng kabunsi ng pagpangagad sang kanan induwan, pagsagda nan sang sambok na butang na wa karimi ni fulan na sabap sinyan, yadaman, yabunsi yan aw i-uyas-uyas, yaga-yagaan nan yang Rasul, na idto na gawbukan, sabapan ng pagkabatl ng shahaadah aw inyan na manusya Kafir, di ng Muslim.

Ikaduwa nan yang Pag-panginkagaw , Pagkagaw, atawa pagduwa-duwa sang katidto ng Rasulullah, tigamon naton na yang pagduwa-duwa sang pagpanginto sang Rasulullah sa uno-uno na ipayapay, ipadatong nan na yamakalask sang Pagkagaw kanan. Magunawa da japon yang mag-inang kaw ng gugunawn, paglawngan na pagalawngun mo inyan na suguwan ng Rasulullah, na idto na butang na pyagapanginkagaw mo yan, sang butang na wa nan a-inanga aw wa nan pagapaglawnga.

Yang Ikatolo yang Paglikay sang Pag-taat sang Rasulullah aw pyapangindugan na di ng obligado yang pagsunod kanan, aw wa paga-panganong-nganong ng mga suguwan aw mga inisagda ng Rasulullah, inyan na manusya na batal yang kanan shahaada.

Yani mga Kalumunan sang Agama Islam yang mga makabatal ng Pagsaksi na si Muhammad Sinugo ng Allah. Panginsukuran naton kamu yang Allahu taala na yamapayag kanaton yani na mga butang, supaya kalikayan naton yang makabatal sang kanaton pagkamuslim, aw matatap yang kanaton mayo pagkawtaw sang Agama ng Allahu taala.
Pangayon naton kamu na tatapon kita ng Allahu taala na tidto na yagatakmag ng Shahaada, aw di kita maupod sinyang mga manusya na yaga-angkun ng pagkamuslim aw gayd sang kasabunnan, yamakalugwa, yamakafir da silan, sabap sang pagtaripunda nilan sang pagtigam ng Mana ng Kalimat Muhammadun Rasulullah.

Sambok na pagpakita ng kawy sang kanaton mayo sinugo idto-idto yang pagsalawat kanan, labi-labi sang gabi aw allaw ng Jumaat, subay magpakadayg kita kamu ng pagsalawat magunawa ng paglambit ng Allahumma Salli Ala Muhammad, tigama na sambok na Salawat naton sang Rasul, pagasalawatan kita ng Allahu taala ng makasampo, pagatakopon ng Allahu taala yang salawat na pyapasampay naton sang Rasulullah.

Mga Kalumunan sang Agama Islam, yang Allahu taala yagalawng sang Kanan Quran:

((إن الله و ملائكته يصلون على النبي، يا ايها الذين آمنوا صلوا عليه و سلما تسليما))

االهم صل على محمد و على آل محمد، و بارك على محمد و على آل محمد، كما صلييت و باركت على إبراهيم إنك حميد مجيد
Allahumma salli ala Muhammad wa àlā Āli Muhammad
Wa Bārik àla Muhammad wa àlā Āli Muhammad
Kamā Sallayta wa Bārakta Àla Ibraahemm wa àlā Āli Ibraheem
Innaka Hamēdun Majēd

Dua…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s